KADHWI SACHCHAYI

Moderator: orcasif

KADHWI SACHCHAYI

Postby orcasif » Sat Jan 23, 2016 1:32 pm

Assalamu alaikum

*****KADHWI SACHCHAI****
*************** ****
.
.
Qurbe Qayamat Ka Ye Nazuk Daur Hai Ke Jiske Baare Me Pyare Mustafa Sallallahu Alaihi wa sallam Ne Farmaya Tha Ke Insan Subah Ghar Se Niklega Eiman Ke Saath Aur Shaam Me Jab Apne Ghar Wapas Laotega To Kafir Ho Chuka Hoga..

aur Ye Bhi Farmaya Ke Deen Par Chalna Tez Dhaar Talwar Par Chalne Se Zyada Sakht Hoga,

Jaahil Faqeeh Kehlayenge Aur Ulma Gosha Nasheen Hojayenge..!
.
Aaj Usi Daor Ke Ibtedai Waqt Me Ham Chal Rahe Hain,
Jahan Dekho Qanune Mustafa Aur Shari'ate Mustafa Sallallahu Alaihi wa sallam Se Koi Sarokar Nahi..

Balke Nafs Parasti Aur Shakhsiyat Parasti Ka Daor Hota Jaraha Hai,

Kisi Bhi Mas'ale Me Koi Ye Nahi Dekhta Ke Shari'at Ka Kya Hukm Hai Aur Qanune Mustafa salallahu alaihewasallam Kya Hai..

Sirf Ye Dekha Jata Hai Ke Mere Peer Saheb Ne Kya Kaha Hai, Aur Meri Marzi Ke Mutabiq Fatwa Kisne Diya Hai,

Ab Chaahe Peer Saheb Shari'at Se Hat Kar Masail Bayan Karen To Bhi Kisi Ko Koi Garz Nahi Bas Peer Saheb Ne Kahdiya Baat Khatm,

Dusri Janib Peer Saheb Ka Ye Haal Hai Ke Apni Shaan o Shokat Qaayam Rakhne Aur Use Badhane Ke Liye Jo Siyasat Aur Rajniti Dunya Me Chalti Hai Use Deen Me Chalane Lag Gaye Hain,
.
.
Jab Madni Miya Ne TV Aur Video Ko Halaal Kiya To Markaze Ahle Sunnat Barelli Shareef Se Huzoor Azhari Miya Ne Shari'at Ki Hifazat Farmate Huwe Adab Ke Dayere Me Uska Mudallal Radd Farmaya..

,, .. Bas Ye Qura'an w Hadees w Ijma e Ummat Ki Roshni Me Huzoor Azhari Miya Ki Janib Se TV Video Ka Radd Karna Hashmi Miya Ko Nagawaar Guzra Aur Yahan Se Bugz w Hasad Me Inteshare Ahle Sunnat Shuru Huwa..!

.
Ab Shari'at Ki Roshni Me Huzoor Azhari Miya Agar"Chain Daar"Ghadi(steel Belt Watch) Par Sakhti Farmayein To Ye Shehzade Uske Barkhilaf Chain Daar Ghadi Khud Bhi Pehnen Aur Sab Murideen Se Bhi Pahenwayen,

Agar Qanune Mustafa salallahu alaihewasallam Ki Hifazat Me Azhari Miya Namaz Me
"Loudspeaker"Ki Iqteda Me Fasade Namaz Ka Hukm Den To Udhar Uske Barkhilaf Ye Shehzade Khud Bhi Loudspeaker Ko Namaz Me Istemal Karen Aur Murideen Se Bhi Istemal Karwayen,

SDI Ke Sarparast Molvi Zahiruddeen Ne Ulema Council Naami ek Committee Banai Usme Hindustan Ke 52 Bade Bade Ulma Ko Shamil Kiya Jisme Se Taqriban 30 Molvi Wahabi Deo Bandi Ahle Hadees Aur Jamate Islami Waale Hain,

,
Ahkame Shari'at Ke Saath Itna Bada Khilwaad Huwa To Azhari Miya Ne Uski Mukhlifat Ki,
,
Dusri Janib In Shehzadon Ne Dekha Ke Azhari Miya Ne Mukhalifat Ki Hai Ke Faoran Qanune Mustafa salallahu alaihewasallam Ko Bala e Taaq Rakh Kar Us Ghinouni Tanzeem Ki Taayid Aur Uski Hifazat Ke Liye Khade Hogaye,,

DI Ne TV Ko Halal Karke Madani Channel Nikala To Azhari Miya Ne Shari'at Ki Perwi Karte Huwe Uski Mukhalifat Ki,, To Dusri Janib In Shehzadon Ne Uski Taayid w Taoseeq Kar Daali..

Garz Ke Ayse Kitne Masayil Hain Ke Huzoor Azhari Miya Ne Shari'at Ki Perwi Karte Huwe Haram Ya Najayez Farmaya Ke Unko Faoran Hashmi Saheb Ne Jayez Aur Halal Kardiya,
.
DI Aur SDI Ki Taraf Daari Karne Me ek Siyasat Ye Bhi Kaar Aamad Hui Ke Dono Tahriken In Shehzadon Ki Goad Me Baith Gayi

Ab Dekhna In Tehrikon Ka Kaam Markaze Ahle Sunnat Ke Liye Nahi Balke In Shehzado Ke Liye Hoga Aur Tableeg Ke Naam Par Peeri Mureedi Bhi Ab Silsila e A'aliya Ke Liye Nahi Balke Shakhsiyat Parasti Par Hogi Jo In Tehrikon (SDI aur DI)Ki Mukhalifat Karega Us Peer Se Mureed Hona To Dar Kinar Uske Bayanat Bhi Sunne Nahi Denge, Bayanat Unhi Peeron Ke Suno Jo In Tehrikon Ki Taayid Karte Hon Aur Mureed Bhi Uska Bano Jo In Tehrikon Ke Saath Ho,

Shari'ate Mustafa salallahu alaihewasallam Aur Qanune Mustafa Sallallahu Alaihi Wasallam Se Kisi Ko Koi Garz Nahi Rahegi..!
.
Al Amaan Wal Hafeez
.
.
Ek Khaas Baat Aur Ke Hashmi Saheb Ki Taraf Se Aur FB Par Bhi Aam Tor Par Ye Baat Phelai Jaati Hai Ke SDI aur DI Ko Markaze Ahle Sunnat Barelli Sharif Ki Janib Se Huzoor Azhari Miya ne Ahle Sunnat Se Kharij Kardiya Hai Aur DI&SDI Waale Sunni Nahi Aur Hashmi Saheb Ne To Azhari Miya Ki Taraf Tanz Karte Huwe Yahan Tak Kehdiya Ke Ilyas Sunni Nahi Shakir Sunni Nahi Madni Sunni Nahi Hashmi Sunni Nahi Ye Sunni Nahi Woh Sunni Nahi To Kya Tera Baap Sunni Hai..!

Koi Hashmi Saheb Se Puchhe Ke Bataiye Kisne Kaha ke Ilyas Sunni Nahi Shakir Sunni Nahi..?

Daleel Pesh Karen Agar Aap Apne Qaol Me Sachche Hain..!
.
.
Lekin Zaraa Gour Karo Ke Hashmi Saheb Ne Kis Siyasat Se Dono Tehrikon Ko Markaz Ka Aur Khas Kar Huzoor Azhari Miya Ka Mukhalif Bana Diya Aur Aaj FB Par Bhi Yehi Horaha Hai,

Allah Ahle Sunnat Ko Inteshaar Se Bachaye Aur Haq Go Ulma Ke Namoos Ki Hifazat Farmaye Ameen Summa Aameen

Jin Masayil Me Ikhtelaf Hai Agar Azhari Miya Aur Hashmi Miya Ki Shakhsiyat Ko Aek Taraf Karke Aur Shakhsiyat Parasti Ko Apne Zahen o Fikr Se Door Karke
Sirf Aur Sirf Qura'an wa Hadees e paak wa Qanune Mustafa Sallallahu Alaihe wasallam Aur Ijama e Ummat Ki Roshni Me Gaor Kiya Jaye To Ahle Sunnat wal Jama'at Maslake A'ala Hazrat Ka Sahih Nikhar Saamne Aajaye Aur Jama'at Inteshar Se Mahfooz Ho Jaye,

Lekin Qurbe Qayamat Ke Is Nazuk Tareen Dour Me Ye Baaten Samjhe Kaun..?
.
.
Mazkura Tahreer Ye Ek Haqeeqat Aur Kadwi Sachchai Hai, Lihaza Kisi Sunni Sahihul Aqeeda Musalman Ko Samajh Me Na Aakar Buri Lagi Ho To Mua'af Kardena..!
(BY HAZRAT MAULANA SAYYED MINHAAJ RAZA HASHMI MIYA DAAMAT BARKAATUHUM AALIYA
NAAZIM E AALA DARUL ULOOM FAIZAAN E MUFTI E AAZAM PHOOL GALI MUMBAI -3)
orcasif
Senior Moderator
 
Posts: 299
Joined: Sun Sep 29, 2013 8:51 am

Return to ORC Members Discussion Area

Who is online

Users browsing this forum: No registered users and 1 guest

cron